نصوص
  
ديوان أشعار
  
المجموعات الغنائية
 
 

 

 




 

(25)
مجموعة أغاني
فيروز في الأولوبيا باريس



أغنية إلى باريس

باريز يا زهرة الحريي يا دهب التاريخ يا باريز
لبنان باعتلك بقلبي سلام و محبي بيقلك لبنان
رح نرجع و نتلاقى عالشعر و عالصداقة
عالحق و كرامة الإنسان
يا فرنسا شو بقلن أهلي عن وطني الجريح
عن وطني اللي متوج بالخطر و بالريح
قصتنا من أول الزمان
بيتجرح لبنان بيتهدم لبنان
بيقولوا مات و ما بيموت
و بيرجع من حجارو يعلي بيوت
و تتزين صور و صيدا و بيروت



العشاق و الشاويش

قلتيلي جايي و الموعد بخيل
بكل مرايي زرعت القناديل
زرعت القناديل بالموعد البخيل
تاشوفك جايي جايي جايي
قلتيلي جايي خبرت العصافير
في سهرة قلتلن لا تناموا بكير
لا تناموا بكير في فرح كتير
و الوردي جايي جايي جايي
علمني يا حارس الليل
شو مضى و شو باقي من الليل
أنا خوفي ليكون اللي باقي
مش كافي لموعد الليل
بنزل عالطريق بيضيعني الطريق
بمشي بالضباب بيضيعني الضباب
يا حبيبي إكتبني على بالك غنيي
يا حبيبي لا تتركني بقلبك منسيي
صوتك من زمان صحاني من زمان
أول الإيام ندهني للإيام
على بابي نامت المسافي وحيدي
على بابي زهرت غنيي سعيدي
هدا شو هدا شو هدا شو؟
على وين على وين على وين؟
يا قمر يا قمر يا قمرهدا شو؟
نعم نعم يا شاويش
هدا شو هدا شو هدا شو؟
و شو عم نعمل يا شاويش؟
خلوي خلويي غراميي
خلوي غراميي؟
خلوي خلويي غراميي تحت القناديل البلديي.
مخالفي صريحة. تحقيق تحقيق تحقيق
ليش البلديي، هيي ضد الغرام؟
البلديي لأ، مش ضد الغرام،
لكن ضد الكلام و اللي خلف الكلام
نحنا عم نحكي يا شاويش
حكي بيوجع يا شاويش
هاتوا سمعونا و وجعونا معكن
حكي الحب يا شاويش بين إتنين و بس
يكون بين تلاتي
حكي الحب بدو إتنين زغار يربوا سوا،
و سوا يصيروا كبار، و تقعد تنطر و تنطر و تنطر
البلديي مستعجلي بدا شي عالنار
و لا بنطر و لا و لا تنطر.
تحقيق تحقيق. هاتوا قناديل
القناديل. هلق ذلحين



أنا و الحب قصتنا طويلي

أنا و الحب قصتنا طويلي
و هاك اللي كانت عيونا كحيلي
تنطرنا و تنسانا يا ليالي
و ننطرها و ما باليد حيلي
و يبقى الحكي يبقى حكي
و يبقى البكي يجر البكي
و تبقى الليالي مغيرة و طاقة الحلوي منورة
شو اللي جرى و الما جرى وينك يا عهد إتذكرني
أوف أوف عالهوى و عللي رمونا بالهوى وقعة العشاق ما إلها دوا
حلوة الحلوين ليش ملبكي و هالحكي و حياة عينك مش لكي
شو ما صار يصير عاطول إضحكي و لو قالولك ما بقى منو نوى
و رايح على العين مشواري حلي حاجز من تنين وقفني إلي
وميولي بعينين سودا ملبني وينك يا نسيان تمحي هالهوى
و حاكيني و لا تحاكيني و لو شوفتيني عالسكيت إلحقيني بتلاقيني
و لا العاشق للسمرا بآخر سهرة بكرا و السفر بكرا لا تنسيني
و قلبي ما عاد مشتاقك تا فراقك إن عديتي عشاقك لا تعديني
أوف أوف أوف



يا طير الوروار

دخلك يا طير الوروار رحلك من صوبن مشوار
و سلملي عالحبايب و خبرني بحالن شو صار
عاتلال الشمس المنسيي على ورق الدلب الأصفر
إنطرونا هنا شويي شويي و تصير الدنيي تزغر
و بكروم التين ينده تشرين يا حبيبي
ياما بسكوت الأمريي بسمع صوتك يندهلي
ليليي و خوفي ليليي يعوا شي مرا أهلي
و تتعب أسرار تحزن أسرار يا حبيبي

سكرو الشوارع

سكروا الشوارع عتموا الشارات
زرعوا المدافع هجروا الساحات
وينك يا حبيبي بعدك يا حبيبي
صرنا الحب الصارخ صرنا المسافات
إشتقنا للإيام السعيدي
إيام السهر عالطريق
عجقة سير و مشاوير بعيدي
و نتلاقا بالمطعم العتيق
يا هوا بيروت يا هوا الإيام
إرجعي يا بيروت ترجع الإيام
إجا الصيف التاني و القمر مكسور
قولك رح تنساني يا حبي المقهور
رجعت على بيتي ما لقيتو لبيتي
دخان و زوايا لا وردي و لا سور
عم بيروحوا متل رفوف سنونو
تحت نجوم الليل مشردين
قولك الأصحاب وين بيكونوا
وين بيكون الدمع و الحنين



القمر تحت المشمشة

سهرت معي و كل الأحبا اتجمعوا
و كل واحد حلوتو طلت معو
و من كتر ما سهرنا و رقصنا
داودخوا نجوم السما الزرقا و صاروا يلمعوا
الليل بدو قنطرة و القمر جايي غندرة
و طاقة الحلوة مسكرة لوين بدي روح
بالليل ماشي دروشي صوت النسايم وشوشي
و القمر تحت المشمشي صارلو سني مشلوح
روح يا محبوبي و صوب الهوا غروبي
مستني المنديل الأخضر و الشعر اللي خروبي
شو قال حكيوا و خبالوا أهل المحبي غيروا
و إتلونت غنيي عالشباك المفتوح
رايحة عالساحة يا بدر راح سياحة
نيالك يا بنت الجارة شو أفكارك مرتاحة
شو صار بدك ترحلي و أنا اللي مفتكرك إلي
لا هالغيبي مسموحة و لا هالهجر مسموح



الشاويش و القبضايات

طومطوطوطوم
وين بدن يروحوا الحلوين؟
وين بدن يهربوا الحلوين؟
الحلوين متل الفراش بيركضوا عالضو
و أنا بضو بضو و ماشي ناطر الحلوين
هيك الساعة شب اتوفق بواحدي
و هلق صار دور الأفندي
ضو البلديي بيلمع
و أنا برضو متلو بلمع
شرايط بتلمع و الستات
بيحبوا اللي بيلمع
و المش سامع يسمع
هلق الصبايا بتصير تكرج
واحدي تعرج واحدي تغنج
و الأفندي يحبج
يمكن إجت واحدي
يا وردة الحب الصافي
تسلم إيدين اللي سقاكي
فرنساوي
مش معقول كل شي مخبط
أنا تحت الضو و غنيتلا ليش ما إلتفتت
في شي تخلبط
أنا بصروني في فنجان القهوي
إنو الليلي بدا تجي الحلوي
يمكن وصلت يمكن وصلت وصلت فرنساوي

بيني و بينك

بيني و بينك يا ليل في حب و غنيي
على بابي بتقعد يا ليل و منسهر ليلي
بيني و بينك في أسرار و بتعرف أحزاني
تبقى إمرقلي عاهاك الدار و قلو ما ينساني
فيق البيت العتيق غافي على الطريق و غافي حدو الزمان
يمكن بكرا الحبيب يمرق متل الغريب و ما يذكر اللي كان



يا أهل الأحبا غابوا

يا أهل الأحبا غابوا قمر السفر على بابو
و اللي كان بهاك الزمان و العشب اللي طالع عادراجو



موال يا مركب الريح

يا مركب الريح خلي البحر و إنزل عا بر
من طول فرقا دمعي فوق خدي عبر
حبيت و الدهر علمني بحبو عبر
شرع شراع السفر عالهجرقلبو نوى
عهد الهوى يا خلق ما عاد منو نوى
نحنا قضينا العمر صد و حنين و نوى
و لما إلتقينا لاقينا العمر ولى و عبر



شهرزاد

يا شهرزاد غني الهوى غني الليالي فالشوق عاد
يا شهرزاد و للنوى قصر ببالي رغم البعاد
و أعيدي و أعيدي وأعيدي يا شهرزاد
ما للأغاني عادت بنا صوب المغاني التي لنا
يوم الصبايا زهر العشايا و للحكايا عطر يعاد
و أعيدي و أعيدي وأعيدي يا شهرزاد
أنا شهرزاد القصيدة و صوتي غناء الجراح
أنا كل يوم جديدة أهاجر عند صباح
و كان شهريار يبدد النساء
يبدد الأشعار و الناس و الأسماء
رأيت دموع العذارى سمعت بكاء السنين
و كيف تضيع العذارى بقصر الضنى و الآنين
و كان شهريار يسهر كل ليلة
مستوحشا فصار سجين ألف ليلة
و صار سجين الحكاية
و قلت للحكاية ألا حرري السجينات
إنهضن يا سجينات أنا شهرزاد
يا حلوة الغزل ميلي على مهل
طيري كأغنية في الليل و إرتحلي
يا لائمي في الهوى إن الهوى عتب
أجرى دموعي النوى و شفاني التعب
مذ قلت حبك لي أغضيت من خجلي
خلي الكلام على ليلاتنا الأول
يا أخت زينب لو تدرين ما فعلت عيناك بي لتولى قلبك التعب
غيرتني فأنا كالريح تحملني ان اتجهت إلى أحيائك السبل
يا جليس الورد من ليل الصفى رصع الورد ضفاف الأنهر
كلما هبت نسيمات هفى زمن الشوق ببال السمر
طارت الدنيا بمن أهوى و بي و أفترقنا كيف يا ليل البعاد
ساكن ما بين قلبي المتعب و جفوني وجهها رغم البعاد
ما إكتفينا بعد و الدهر إكتفي فأقطف الأحزان مثلي و إسهري
أه يا عينيا لو يشرى الغفى من عيونٍ ما لكنت المشتري



لينا و يا لينا

لينا و يا لينا و إبرة و خيط عيرينا
تانقضي بهالفستان ما في عنا خيطان
لينا و يا لينا و يا نجمي طارت فينا
بتضلك رايحي جايي تغفي و دوختينا
و مرايي خلف مرايي تغفي دوختينا
لينا و يا لينا ما في حدا يحمينا
ليليي عنا قواص عنا حواجز و رصاص
لينا و يا لينا و ما في حدا يحمينا
عم نغفى من عشيي شمتوا كلن فينا
كنا بسط و غنيي شمتوا كلن فينا
و حياة عشرتنا و تراب جيرتنا
حبيتك حبيتك حبيبي على طول
عاطول سهرني بالليل و إنطرني
خلينا حبيبي مجهولي و مجهول
على طول على طول على طول



آخر السهرية

على بالي بعدك يا حبيبي على بالي
قصص الهوى و ليالي الهوى عم تحفر بقلبي
ليالي و بعدك يا حبيبي على بالي
آخر السهريي تطلعت عليي و بعينيها شفت النهايي
ودعتني بكلمي ودعتا بكلمي و خلصت الإيام اللي جايي
آخر السهريي و راحت الصيفيي و بعينيها لمحت شخص تاني
رحت و عم إطلع و الدنيي ما تسمع و البواب مسكرا و تعباني
سألوني عيوني أيمتي بنشوفا قلتلن ما فيي قول ما فيي قول
بعرف تودعنا يمكن لبكرا يمكن لبعدو
و يمكن على طول يمكن إتودعنا على طول

ماحدا

ماحدا ماحدا ماحدا ماحدا
بليالي هوانا دري ماحدا
والهنا عندنا و الجنا ملكنا
وربيع الاغاني الطريق
ماحدا ماحدا ماحدا ماحدا
عالأغاني الطويلي حكي ماحدا
والهوى عالسوا و النوى لو
دوا ليالينا أغاني وبكي
يوما غنينا بخيال هالبستان
حنينا و غنينا بسر هالألحان
شكينا و حكينا عن حبنا الحليان
لاحاسد عينو علينا لا ناس لاجيران

المشهد البدوي

واصل علينا السفر صوت الرواحل شجاني
و البعد لم الصور مني و حنينو عطاني
غديوا هلي يا هلي بالصحر ما هي ربوة و دواني
يا قلبهن يا حجر بيني و بينك أه زماني
يمه الحلو ناسي الهوى يمه
و ليل الحلو طير و عبر يمه
قليل أروحلو و اسألو يمه أه يمه الحلو
يمه الحلو ناسي الهوى يمه
وعد الحلو طير و عبر يمه
قليل أروحلو و اسألو يمه أه يمه الحلو
يمه سأل عني و كنت عالعين
و ما عاد سأل قالوا يحب إتنين
قليل أروحلو و اسألو يمه الحلو
شهد العسل جاب العسل من وين
و ليش الزعل درب الغزل من هين
قليل أروحلو و اسألو يمه الحلو
أوف أوف
عالالا و لا لا و لالا
يا هلا و يا ميت هلا
عيني يا لالا شوقي يا لا لا
غرب جناحو و غربل و دمعي سافر عاجناحو
وصيتك روح لحبي و قلو يسعد صباحو
مضى و الشمس بكرا قال بشوفك عالميي
خوفي للشمس تسهر و تنسى تطلع صبحيي

خدني

خدني على تلات هالحلوين
خدني على الأرض اللي ربتنا
إنساني على حفاف العنب و التين
إشلحني على ترابات ضيعتنا
بواب العتيقا عم تلوحلي
و صوت النهورا ينده الغياب
و عيون عاشبابيك تشرحلي
صحاب عم بتقول نحنا صحاب
و مشي على طرقات منسيي
دنية غياب و رح يبيت الطير
أنطر شي إيد تسلم عليي
شي صوت عم بيقول مسا الخير
خدني إزرعني بأرض لبنان
بالبيت يللي ناطر التلي
إفتح الباب و بوس الحيطان
وإركع تحت أحلى سما وصلي



طالل علي

طالل على بواب الحلى ليكو بإيدو نعمي
يا مين هنا خفة و حلا إيمتا الزمان بيعتا
عتبان يا هالهالي أهل الهوى ما بيعتبوا
وجبينك اللي في بالي مين اللي غيري دهبو
يا لون كرم العالي ولاد منو بينهبوا
للدار تحلى الغنيي و بتزهر القمرة
ورجال فوق الوادي يرمحون الوادي بود
أصوات أهل بلادي سمعتا بصوتن هالقوي
قول قول قصتين يا ليل وخدنا
وصوب غيم لبنان بكرا موعدنا
روح روح عابيوت عليي ليل فوق عشقان صبيي
دار دار يا دار محميي مين قال بتغيب نجمة بلدنا
روح عابيوت عليي ليل عشقان صبيي
دار يا دار محميي و إنتي هنا يا دار
صار قمرنا عالي و صار صار ببالي
و نار نار الليالي و ال.. دار




القراءة التالية
(26)
مجموعة أغاني
في القاعة الملكية - لندن


  


فهرس محتويات الكتاب
ــــــــــــــــــــــــــــــــــــــــــــــــــــــــــــ
السيرة الفنية

ــــــــــــــــــــــــــــــــــــــــــــــــــــــــــــ
ديوان أشعار المجوعات الغنائية
ــــــــــــــــــــــــــــــــــــــــــــــــــــــــــــ
الأغاني المتميزة   20 أغنية
ــــــــــــــــــــــــــــــــــــــــــــــــــــــــــــ
كشف بالمهرجانات والمسرحيات
وأفلامها السينمائية
ــــــــــــــــــــــــــــــــــــــــــــــــــــــــــــ
صور من حافظتها الخاصة 
ــــــــــــــــــــــــــــــــــــــــــــــــــــــــــــ
فيروز - الصفحة الرئيسية للكتاب
 
ــــــــــــــــــــــــــــــــــــــــــــــــــــــــــــ 

  



 

غلاف الكتاب



" أضغط علي الصورة لتكبيرها "

كتاب فيروز
ــــــــــــــــــــــــــــــــــــــــــــــــــــــــــــــــــــــــــــــــــــــــــ

ملامح من سيرتها الفنية
وديوان نصوص أغانيها
ومختارات من شدوها المائي وصورها النادرة
ــــــــــــــــــــــــــــــــــــــــــــــــــــــــــــــــــــــــــــــــــــــــــ
دراسة تسجيلية مصورة
بقلم وتحقيق : فتحي العريبي

فنان وكاتب تشكيلي ليبي
رئيس تحرير مجلة : كراسي
fabigraph@yahoo.com
www.kraassi.com

هاتف نقال : 925764526 - 00218 : Mobile
 هاتف أرضي :
00218.61.2230185 : Tell  
ص.ب. 486 P.O.Box 
بنغازي - ليبيا 
 


الكتاب
مجاز من قبل إدارة المطبوعات في بنغازي
بموجب الرسالة رقم م ط / 896 / 71 / 2003
المؤرخة في 16 / 1
/ 2003

ومسجل تحت رقم 5380/ 2003 بدار الكتب الوطنية - بنغازي
المركز البيليوغرافى الوطني
وحدة الإيداع القانوني

جميع الحقوق محفوظة ولا يسمح بنقل أي جزء من نصوص وصور هذه الصفحات إلا بإذن كتابي من المؤلف فيما عدا حالات الاقتباس القصيرة بغرض النقد أو التحليل وفقا للقواعد التي تفرضها الأصول العلمية  .
 


 

مواقع أخري جديرة بالتصفح
وللدخول إليها يشترط أن تكون متواصلا مع شبكة الإنترنت
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
صممت ونفذت بمرسم عش الحمامة
- بنغازي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ





^ ^ الانتقال إلي أعلي الصفحة ^ ^